अन्याय र अत्याचारको
कालो कालको अन्तयको
निमित्त जब अनगनत
मशालहरु बल्दछन जुनकिरीसरि
अनि रक्तदिपहरु भर्भराउन थाल्छन
नया बिजयदिवश भित्रिने खुशीमा,
आमाहरु बिर सपुतहरुको माथामा
बिजयटिका लगाउदै गदगद भैरहेका हुन्छन,
अनि बहिनी र चेलीबेटीहरु
खुकुरी र तरबालका धार र वारका गीतहरुमा
नाचिरहेका हुन्छन,
तर,तबपनि,
आफ्नो पुच्छर मुनिको संसारको स्वाद लिदै
मस्त संग निदाई रहेका हुन्छन
भुस्या कुकुरहरु..........।
यो बाटोमा नलडि हिड्नु ठूलो कुरो रैछ ।
आफैले आफैला चिन्नु ठूलो कुरो रैछ ।
तप्तपी धुपमा बालुवा नि चम्कन्छ है,
बगरबाट सुनकण चुन्नु ठूलो कुरो रैछ ।
बनिबनाउँ देशको राजा जो नि हुन सक्छ,
खण्डहर बाट रोम शहर कुद्नु ठूलो कुरो रैछ ।
सम्बन्धका डोरीहरु टुट्दा रैछन सजिलै नै,
सम्बन्धलाई माकुरीले सरि बुन्नु ठूलो कुरो रैछ ।
अगाडि त ताली याहा जस्ले पनि पाउछ "अर्याल",
पिठ पिछे नि मान्ने-गुन्ने बन्नु ठूलो कुरो रैछ ।
आफ्नै छाया आफै बाट टाढ- टाढ भाग्छ अचेल ।
ऐनाले खिसी गर्दै जिस्काएझै लाग्छ अचेल ।।
होश छैन, हवास छैन, भोक छैन, प्यास छैन ।
तिम्रो कसम तिम्रै नामको बिष खाएझै लाग्छ अचेल ।।
तिम्रै निम्ति जिउ-ज्यान दिदा आँखा तर्छेऊ किन तिमी?
भाग्यले नि मै माथि रिस खाए झै लाग्छ अचेल ।।
गर्दन थाप्दा मुटु हान्यो, घायल बनाई छाड्यौ किन?
तिम्रो निसानाले जानि- जानि मिस खाएझै लाग्छ अचेल ।।
आफ्नो आधार आफैलेनै खिस्काएझै लाग्छ अचेल ।
ऐनाले खिसि गर्दै जिस्काएझै लाग्छ अचेल ।।
रामोराम जामसरि नजरमा चढी हजुर ।
जेठी होईन तिम्री माईली छोरी अति मन परी हजुर ।
हिजो गैरीखेतमा देख्या थिए ठ्याक्कै मनजरी हजुर ।
गोरी होईन तिम्री काली छोरी अति मन परी हजुर ।
स्वर ऊन्को कोयलीको, नाच्दा जस्तै मयूर हजुर ।
मोटी होईन तिम्री पात'ली छोरी अति मन परी हजुर ।।
बोलीबचन उस्तै मिठो रानी बनकी चरी हजुर ।
लजालु होईन तिम्री नक्कली छोरी अति मन परी हजुर ।
गाँउपनि मन पर्यो,हुनेभो मन परेको ससुराली हजुर ।
तारा होईन तिम्री जूनसरि छोरी अति मन परी हजुर ।।
सुर चक्नाचुर भयो र त दिमाग तात्यो,
आफ्नो दूर भयो र त दिमाग तात्यो ।
जस्लाई आँखाको नानीसरि आँखामा राखे,
त्यो आँखाको घुर भयो र त दिमाग तात्यो ।
बर्खाको भेल नभनि भवसागर तराए त्यस्लाई,
त्यहि मेरो असुर भयो र त दिमाग तात्यो ।
दधिचिको ब्रम्ह बज्र बनाउछु भनि बिचारे थे,
बजिया बाख्रीको खूर भयो र त दिमाग तात्यो ।
कताबाट आज उन्को फोटो भेटियो ।
धोको फेरि हेर्ने आज धोको मेटियो ।।
फूँलसरि मुहार उन्को अझ फूँलै बरिपरि ।
मौरी मुहार लाई फूँल भनि झुक्किएको आजै देखियो ।।
केहि चोट बिर्से थे म,केहि चोट ठिक भा थे ।
ति नजरले आज फेरि अर्याल रेटियो ।।
ति नजरले जब यि नजरका मोहनीका भाषा बुझे ।
यो जुनि त भै गो साथमा कैयो जुनि साटियो ।।
ठिक्क परि बस जेठी यस्तै माया बस्यो भने ।
फेसबुक मै रन्क्याई देउला "लौ हमीले त नेटो काटियो" ।।
मेरो मनले तिमीलाई नछुएपछि,
यो रंगले तिमीलाई छुदिन भो ।
त्यो होलीलाईनै अन्तिम माने मैले,
अब अरु होली खेल्दिन भो ।
त्यो पल गयो सँग मेरो एक अँश लिएर गयो,
को सद्धे को दोषी भन्दिन भो ।
तिम्रो रंगलाई रगत माने मैले,
अब रगतको होली खेल्दिन भो ।
यता नक्कली उता सक्कली भई,
ऐँया मारे'बा !
धरापमा पारि,
ऐँया मारे'बा !
लोला भन्दै गोला हानि,
ऐँया मारे'बा !
हर प्वालमा पिकच्कारि छाडि,
ऐँया मारे'बा !
होली भन्दै ढोका फोरी,
ऐँया मारे'बा !
मित्र भनि हात जोडि,
ऐँया मारे'बा !
बलिष्ठ भीम र कोमल द्रोपती मिली,
ऐँया मारे'बा !
रंगरोगी बनाई मैरीमा पुर्याई,
आई एम साँरी सुन्तली अलिकति चडाई आ'छु,
यो झुकेको गर्दनलाई अलिकति ठडाई आछु ।
अति भा थ्यो सिन्के साला,मै हू भन्थ्यो तिन्के दादा,
झ्यापको तालमा च्याप समाई, कोई लाई उडाई, कोई लाई ढलाई आ'छु ।
जाहा जान्छु पुवर -बेकवार्ड भनि लास्टै रयाक गर्थे सुन्तली,
"ह्वाट ईज इन नेम" सोध्दै सबका गाला तताई आछु ।
प्लिज बोर नगर नाँन्सेन्स क्वेश्चन सोधि, होयर ईज जनेउँ-जुत्ता सोधि,
स्टुपिड्स् हरुलाई आज रियल लेस्शन पढाई आछु ।
घरमा मात्र नाम थियो, नाम मात्रको नाम थियो,
"द ग्रेट कान्छो" बनि आज, डार्लिङ्ग, नामको भ्यलु बडाई आछु ।
यति मात्र फरक छ
तिमी र हामीमा-
तिमी बुद्ध भयौ,
हामी बुद्धू भयौ.....!
तिमीले,
दु:खको कारण ईच्छ्या हो भन्दै
महल त्यग्यौ.....,
हामीले,
ईच्छ्या पुर्तिले दु:ख मेटिन्छ भन्दै
महल बनायौ......।
तिमीले
असल जिवनयापन गर्दै
मृत्युवरण मोक्ष हो भन्यौ...,
हामीले
माहापापी भएर नि
प्राण जोगाउनु नै धर्म हो भन्दै
मृत्यु सँगाल्यौ......।
तिम्रा छिमेकिहरु
तिम्रो संगतले
अँगुलीमारबाट भिक्षु भए...,
तर हामी
तिम्रा संतान
भिक्षुबाट अँगुलीमार भयौ...।
