रंग छर्ने माया गर्ने होलीको मज्जा बेग्लै
प्रतिक्षामा बस्नु पर्ने भोलीको मज्जा बेग्लै
मिठो मिठो उन्को कुरा सुनेरै जाउँ लाग्छ
लजाउदै हाँस्दै बोल्ने बोलीको मज्जा बेग्लै
यौटा मात्रै मौका हो यो जीवन भरी लाई
लगन मा चढी जाने डोलीको मज्जा बेग्लै
भेट्न भनी मायालु ले कोशेली ल्यायो होला
कोशेली ले भरिएको झोलीको मज्जा बेग्लै
शहर तिर खुशी लीई आई पुग्यो रे सबै भन्छन होली ।
गाउमा त अझैपनी त्यहा चल्दैछ रे सबै भन्छन गोली ।।
बषौ दिन मा एक दिन आउछ हर्ष बोकी घर घर मा ।
थोरै मान्छेले खेल्दै छनरे खुशीसाथ रङमा पानी घोली ।।
जता तातै बम बारुद गोला पड्किएको आवाज सुन्दा ।
धेरै मान्छे त्रसित छनरे जीवन मरण आज होकी भोली ।।
अचेल मैले होस् हराएं रे ।
निंद्रामा मध्य रात कराएं आर ।।
बोलिन सत्य तथ्य नजानी त्यसै ।
आरोप लाग्यो ब्यर्थ डराएं अरें ।।
हाँसेर बोली भला कुसारी गर्दा ।
आँखैमा राखी मन पराएं अरे ।।
लगाइ तन्त्र मन्त्र मोहनी मैले ।
उनको मन यता सराएं अरे ।।
रगतले पोतिएका निर्दोस यो माटो हेर्यौं ।
दीपशिखा जलाएर शान्तिकै'ती बाटो हेर्यौं ।
शान्ति पूर्ण राष्ट्र देख्न कहाँ पायौं र हामीले
कठै! क्रान्ति मात्रै यहाँ त शान्तिको साटो हेर्यौं ।
व्यक्तिगत स्वार्थ पुरा गर्नालेनै यहाँ आज
भाई-भाई बिचको त्यो अनमन,फाटो हेर्यौं ।
बिचरा!यो राष्ट्र कति सहोस र चोट पनि
जता ततै अनगिन्ती घाउकै त्यो खाटो हेर्यौं ।
छाडा बोल्छन् नमानी धक लजाउँदैनन् नारी अचेल
हवाँगै छोड्छन् छोपिने ठाउं लगाउँदैनन् सारी अचेल
कोहि हुन्छन् साक्षात देवी कोहि-कोहि चैं मार्गदर्शक
कोहि हिड्छन्अस्मिता नै अस्तव्यस्त पारी अचेल
कोहि लड्छन् देशको निम्ति ज्यानै राखी हत्केलामा
कोहि बिक्छन् बजारमा नैतिकतालाई मारी अचेल !!
कोहि भुल्छन धैर्यतालाई बिराऊंछन् बाटो यहाँ
कोहि फाल्छन जिन्दगि नै आफैं संग हारी अचेल
आज मलाई किन-किन,
आफैँ संग सोध्न मन लागिरहेछ
आफ्नो परिचय जो लाग्छ,
मबाट टाढा-टाढा भागिरहेछ
“म”को परिभाषा विशाल छ,
जान्नेहरु यसै भन्ने गर्छन्
धर्तिमा यो नबुझ्नेहरु,
किरा-फट्याङ्ग्रा सरी भई मर्छन्
आफु आफ्नो ओरि-परि,
सवजनको भलो मात्रै गर्न सके
कुकर्मबाट बचेर सवको
नजरमा हाई-हाई भएरै मर्न सके
आज श्रमिक महिला दिवस
आवोस तिनका निम्ति उल्लासमय बनेर,
जो अप्ठ्याराहरुमा बाँच्न छन् विबस्!
एक्काइसौँ सताब्दिका हामि मान्छे
ठान्दाछौ महिलालई केवल भान्से
सन्तान उत्पादनको माद्यम्
भोग-विलासको साधन्!
नारी हितको कुरा गर्न
श्रमिकको जीवन खुसि र वैभवले भर्न
संस्थाहरु धेरै खुलेका छन्,
सेमिनार र गोष्ठिहरुमा भुलेका छन्
टाठा-बाठाहरुका जीवन फलेक अनि फुलेका छन्!
जीन्दगीलाइ डुबाउने कुलत छोड्छु अब
भविष्यलाई बनाउने संगत जोड्छु अब
बरालिएर हिडेकोथें बाटो नचिनेर
उदेश्यलाई चिनिसकें यात्रा मोड्छु अब
पराईलाई आफ्नो ठानें विश्वास घात गरे
पराईसंग आजैदेखि नाता तोड्छु अब
उजाडिएको मेरो जीवन,हरियाली बन्यौ
आत्मियताको न्यानो साथ ओढ्छु अब
'छोरी मरी ठुलो घर परि' भन्ने यो उखान किन
मर्नु नारीको नियती होइन, फेरी यो विभेद किन
छोरि, प्रेमिका, पत्नी, आमा, प्रिय हर रुपमा यिनी
अधिकार लिऊ अधिकाले नै लुकेर 'बकस' किन - !!!
वाचा कसम तोडी आज पाईला अन्तै चाल्यौ
आफ्नो सम्झी दिल दिंदा लात्याएरै फाल्यौ
स्वार्थी दुनियाँमा कठै ! जिउन कति गाह्रो
झनै तिम्रो चोखो मायाँ पाउन कति साह्रो
हिज आज के भो कुन्नि झर्किन पो थाल्यौ
आफ्नो सम्झी दिल दिंदा लात्याएरै फाल्यौ
न त बुझ्यौ मलाई नै न त मेरो मायाँलाई
न त छोयौ मलाई नै न त मेरो छायाँलाई
