तराई र पहाड अनी, हिमाल रोएको छ
हेर प्रत्येक ठाँउठाँउ, नेपाल रोएको छ
जती बग्नु बगी सकें रगतका खोला
पुछ्दै आँसु बन्दुकको नाल रोएको छ
रोल्पा रुकुम बिनाशै भो दशा मडारियो
भोका पेटको कुरै छोडौ थाल रोएको छ
तराई र पहाड अनी, हिमाल रोएको छ
हेर प्रत्येक ठाँउठाँउ, नेपाल रोएको छ
जती बग्नु बगी सकें रगतका खोला
पुछ्दै आँसु बन्दुकको नाल रोएको छ
रोल्पा रुकुम बिनाशै भो दशा मडारियो
भोका पेटको कुरै छोडौ थाल रोएको छ
आफ्नै बिचार सेरेर बसियो
दुईचार गजल केरेर बसियो
जब देश मिचे बिदेशिले
स्वास्निको गुन्यु बेरेर बसियो
बुद्दको शान्ती लीलामी भयो
आफु चै मुन्टो फेरेर बसियो
तिम्रो यादमा मनको मेहफिल पठा’छु
पत्र खोल्नु पत्र भित्र दिल पठा’छु
पर्खाईमा आँखा, रुदै हौली देउरालीमा
साथ दिन मेरो नयन डिल पठा’छु
तिम्रो यादमा जेजे गर्छु अनी जेजे सोच्छु
प्रस्ट कोरी आकाश जस्तै निल पठा’छु
तिम्रोमेरो बातबिच बैरि आँखा पर्लान
लुकाई राख्नु सम्बेदन-शिल पठा’छु
पर्ख अझ केही बर्ष लीन आउछु हजुर
यस्तै बात लेखी एउटा अपिल पठा’छु
पत्र खोल्नु पत्र भित्र दिल पठा’छु
तिम्रो यादमा मनको मेहफिल पठा’छु
जे हुन्छ नियतबश हुन्छ
तब जिन्दगी सकस हुन्छ
मौरी झ्याम्मिदैनन फूलमा
झरेपछी कहाँ रस हुन्छ !?
मान्छे झुक्दैन् आफ से आफ
जो सँग अथाह यश हुन्छ
आज फेरी एउटा चाह बल्किएर आएँ
पुरानो त्यो स्वाद सम्झी पल्किएर आएँ
तिम्रो घरको बाटोगरी झर्दै थिए बेसीतिर
जुन जस्ता तिम्रा अङ्ग टल्किएर आएँ
सधैं ढोका खुल्छ भन्थ्यौ तर आज बन्द रै’छ
झ्यालैबाट छिर्नुपर्यो ढल्किएर आएँ
यो जोवन अन्तै साटेको भए
मै मरी जाउला ढाटेको भए
तिम्रै केशमा डोरी झै छु म
सत्य! अरुको बाटेको भए
दिलमै राख्या’छु तिम्रो तस्बिर
धरोधर्म सानु फाटेको भए
हिजो राती अर्कै सँग बस्यौ अरे हो र?
उसकै बलबाहु माझ खस्यौ अरे हो र?
रातलाई छिचोलेर सन्नाटालाई बिथोलेर
ठुलाघरको बेसी गोठमा पस्यौ अरे हो र?
म सँग चिल्ला चाप्ला कुरा गर्थ्यौ एकै नाश
उसँग नि चिल्ला कुरा घस्यौ अरे हो र?
हसेरै बिदा गर्छु भन्थे तिमीलाई
तर मुस्कान कतै डेरा सर्यो ||
रोक्छु भन्थे यी मनभित्र मडारिएका बादललाई
तर आशु बनी बर्सिदियो ||
हुन त थियो बिछोड मात्र दुइदिनको
तर जन्मौजन्मको जस्तो भान भयो ||
यो जुनेली रात तिम्रो साथ बिनाको
मलाई त केवल औसीँ आभास भयो ||
मिठा थिए ती गीतका धुनहरु
तर तिम्रो साथ बिना झर्कोलाग्दो रह्यो ||
चलिरहेका थिए यी दिन र रातका पलहरु
मलाई त केवल कछुवाको चालमा भागदोरह्यो ||
सुबाशयुक्त थिए ति फुलका सुगन्ध पनि
तिमी नहुँदा ति कतै बिलाएझैभयो ||
मान्छेहरुको हुलमा पनि
म भित्रको मन आजफेरी एक्लोभयो ||
मात्रित्वको यहाँ, उठिबास भो आमा
यो कस्तो लौन, आसपास भो आमा
हत्या र हिंसा, ब्याप्त छ सर्वत्र
बुद्दलाई पनी बनबास भो आमा
तिम्रै त्यो कोख, बिच्छेदन हुँदैंछ
गृहयुद्दको भय, सन्त्रास भो आमा
जनताको पिडा “थाल खाउ कि भात”
लिन मलाई गार्ह्रो, सास भो आमा
जात र धर्मको फूलबारी भो एकादेश
गुलाब नि आज, पलास भो आमा
गुन्जिन्छन नेपथ्यमा पिडाका आवाज
छटपटिदै देश, लास भो आमा
मात्रित्वको यहाँ, उठिबास भो आमा
यो कस्तो लौन, आसपास भो आमा
सराङ्कोटको डाँडा सङ्गै चढ्दै गर्दा मजा भयो
हात समाई उन्को नजिक बढ्दै गर्दा मजा भयो।
उकालीको यात्रा सङ्गै साथीहरु छिन्न भिन्न
सङ्गै हामी दुईको दुरी घट्दै गर्दा मजा भयो।
थाकेँ भन्दै काँखमा राखी उठाउन अनुरोध भो
बोक्ने बेला चिप्लेपछी लड्दै गर्दा मजा भयो।